புதிய தமிழகம் கட்சியினர் ஆர்ப்பாட்டம்

திருவெறும்பூர்:

தமிழகத்தில் பூரண மதுவிலக்கை அமல்படுத்தக்கோரி புதிய தமிழகம் கட்சி சார்பில் திருவெறும்பூர் பகுதியில் உள்ள அரசு மதுபான கடைகள் முன்பு மதுபான பாட்டில்களை உடைத்து போராட்டம் நடத்த முயன்றனர். இதையடுத்து போராட்டம் நடத்த முயன்ற மாவட்ட செயலாளர் பிச்சைமுத்து உள்பட 17 பேரை திருவெறும்பூர் போலீசார் கைது செய்தனர்.

இதேேபால் முசிறியில் புதிய தமிழகம் கட்சியின் சார்பில், மாவட்ட செயலாளர் சின்னையன் தலைமையில், ஆர்ப்பாட்டத்தில் ஈடுபட்டனர். ஆர்ப்பாட்டத்தில் ஈடுபட்ட 7 பேரை முசிறி போலீசார் கைது செய்தனர். பின்னர் அவர்களை மாலையில் போலீசார் விடுவித்தனர்.