என்.எல்.சி. தொழிலாளி தூக்குப்போட்டு தற்கொலை

மந்தாரக்குப்பம்,

நெய்வேலி 5-வது வட்டத்தை சோ்ந்தவர் திருஞானம் மகன் கண்ணன் (வயது 51). இவரது மனைவி பாரதி. கடன் பிரச்சினை காரணமாக கணவன்-மனைவி இடையே அடிக்கடி தகராறு ஏற்பட்டு வந்ததாக கூறப்படுகிறது. இந்த நிலையில் சம்பவத்தன்று கண்ணன் வீட்டில் இருந்த மின்விசிறியில் தூக்குப்போட்டு தற்கொலை செய்து கொண்டார். இதுகுறித்து நெய்வேலி போலீஸ் நிலையத்தில் பாரதி புகார் அளித்தார். அதன்பேரில் போலீசார் வழக்குப்பதிவு செய்து கண்ணன் தற்கொலை செய்து கொண்டதற்கான காரணம் குறித்து விசாரணை நடத்தி வருகின்றனர்.