செவிலியர்கள் போராட்டம்

கலைஞர் நூற்றாண்டு உயர் சிறப்பு மருத்துவமனையில் திறன் மேம்பாட்டு நிரந்தர செவிலியர் பணியிடங்களை ரத்து செய்யும் நடவடிக்கையை கைவிட வலியுறுத்தியும், அந்த பணியிடங்களில் புதிய நிரந்தர பணியிடங்களை உருவாக்கி அதில் எம்.ஆர்.பி. ஒப்பந்த செவிலியர்களை பணி நிரந்தரம் செய்ய வலியுறுத்தியும். அனைத்து செவிலியர்கள் சங்கத்தின் சார்பில் விருதுநகர் கலெக்டர் அலுவலகம் முன்பு ஆர்ப்பாட்டம் நடைபெற்றது. ஆர்ப்பாட்டத்திற்கு மாவட்ட பொறுப்பாளர் உமாதேவி தலைமை தாங்கினார். அரசு ஊழியர் சங்க மாவட்ட தலைவர் சிவஞானம் முன்னிலை வகித்தார். இதில் திரளான செவிலியர்கள் கலந்து கொண்டு கோஷங்கள் எழுப்பினர்.