ஊத்தங்கரை அருகே நர்சிங் கல்லூரி மாணவி தற்கொலை

ஊத்தங்கரை:

கிருஷ்ணகிரி மாவட்டம் ஊத்தங்கரை தாலுகா நொச்சிப்பட்டியை சேர்ந்தவர் முனுசாமி. இவருடைய மகள் சாருமதி (வயது 18). இவர் சேலத்தில் உள்ள ஒரு தனியார் நர்சிங் கல்லூரியில் முதலாம் ஆண்டு படித்து வந்தார். சாருமதி வாலிபர் ஒருவரை காதலித்து வந்தார். இதுகுறித்து அறிந்த சாருமதியின் பெற்றோர் அவரை கண்டித்ததாக கூறப்படுகிறது. இதில் மனமுடைந்த மாணவி சாருமதி, தனது வீட்டில் கடந்த 3-ந் தேதி விஷம் குடித்தார். அவரை உறவினர்கள் மீட்டு சிகிச்சைக்காக கிருஷ்ணகிரி அரசு ஆஸ்பத்திரியில் சேர்த்தனர். பிறகு மேல் சிகிச்சைக்காக அவர் சேலம் அரசு ஆஸ்பத்திரியில் அனுமதிக்கப்பட்டார். அங்கு தீவிர சிகிச்சை அளித்தும் பலனின்றி மாணவி சாருமதி இறந்தார். இதுகுறித்து ஊத்தங்கரை போலீசார் வழக்குப்பதிவு செய்து விசாரணை நடத்தி வருகிறார்கள்.