பட்டாசு ஆலைகளில் அதிகாரிகள் ஆய்வு

தாயில்பட்டி,

கலெக்டர் மேகநாதரெட்டி உத்தரவின் பேரில் பட்டாசு ஆலைகளை கண்காணிக்க தீயணைப்பு அலுவலர், தனி வட்டாட்சியர், தொழிலக பாதுகாப்பு சுகாதாரத்துறை அலுவலர், போலீசார் ஆகிய 4 பேர் கொண்ட தனிக்குழு அமைக்கப்பட்டுள்ளது. இந்த குழுவினர் வெம்பக்கோட்டை, தாயில்பட்டி, ஏழாயிரம் பண்ணை ஆகிய பகுதியில் உள்ள பட்டாசு ஆலைகளில் கடந்த 2 நாட்களாக சோதனை நடத்தி வருகின்றனர். சோதனை நடத்தப் போவது முன்கூட்டியே தெரிந்து பட்டாசு ஆலைகளை குத்தகை எடுத்த உரிமையாளர்கள் ஒரு சில பட்டாசு ஆலைகளுக்கு விடுமுறை விடுத்துள்ளனர். இதனால் ஆய்வு குழுவினர் பட்டாசு ஆலைகளை ஆய்வு செய்ய முடியாத நிலையில் உள்ளனர்.