மாடி படிக்கட்டில் தவறி விழுந்த மூதாட்டி சாவு

சங்ககிரி:

சங்ககிரி வசந்தம் காலனியை சேர்ந்தவர் சதீஷ்குமார் (வயது 43). அரசு பஸ் கண்டக்டர். இவருடைய தாயார் பாப்பாத்தி (70). இவர் நேற்று முன்தினம் காலை தனது வீட்டின் மேல் மாடியில் இருந்து கீழே இறங்கி வரும்போது படிக்கட்டில் இருந்து தவறி கீழே விழுந்ததில் படுகாயம் அடைந்தார். உடனே அவரை அக்கம்பக்கத்தினர் மீட்டு சிகிச்சைக்காக சங்ககிரி அரசு ஆஸ்பத்திரியில் சிகிச்சைக்காக சேர்த்தனர். பின்னர் மேல் சிகிச்சைக்காக சேலம் அரசு ஆஸ்பத்திரியில் அவர் சேர்க்கப்பட்டார். அங்கு சிகிச்சை பலனின்றி பாப்பாத்தி பரிதாபமாக உயிரிழந்தார். இதுகுறித்து சங்ககிரி போலீஸ் சப்-இன்ஸ்பெக்டர் சுதாகரன் மற்றும் போலீசார் வழக்குப்பதிவு செய்து விசாரணை நடத்தி வருகிறார்கள்.