பால் வேன் மோதி மூதாட்டி பலி

ஆற்காடு அடுத்த பெரியார் நகர் பகுதியைச் சேர்ந்தவர் சந்திரசேகர். ஓய்வு பெற்ற தனியார் கம்பெனி ஊழியர். இவரது மனைவி நாகவல்லி (வயது 55). இவர் நேற்று முன்தினம் இரவு அதே பகுதியில் சாலையை கடக்கும் போது ஆரணியில் இருந்து ஆற்காடு நோக்கி வந்த பால் வேன் நாகவல்லி மீது மோதியது. இதில் படுகாயம் அடைந்த அவரை மீட்டு ஆற்காடு அரசு மருத்துவமனைக்கு எடுத்துச் சென்றனர். அங்கு பரிசோதனை செய்த டாக்டர்கள், நாகவல்லி ஏற்கனவே இறந்து விட்டதாக தெரிவித்தனர்.

இது குறித்து ஆற்காடு தாலுகா போலீசார் வழக்குப் பதிவு செய்து விசாரணை நடத்தி வருகின்றனர்.