மோட்டார் சைக்கிள் மோதி மூதாட்டி பலி

திருக்காட்டுப்பள்ளி

திருக்காட்டுப்பள்ளி அருகே உள்ள கூடநாணல் கிராம தெற்கு தெருவை சேர்ந்தவர் பஞ்சவர்ணம் (வயது60). கூடநாணல் பிள்ளையார் கோவில் அருகே சாலையில் இவர் நடந்து சென்று கொண்டிருந்தார். அப்போது அந்த வழியாக வந்த மோட்டார்சைக்கிள் பஞ்சவர்ணம் மீது மோதியது. இதில் படுகாயமடைந்த அவரை அக்கம்பக்கத்தினர் மீட்டு தஞ்சை மருத்துவக்கல்லூரி ஆஸ்பத்திரியில் சேர்த்தனர். அங்கு சிகிச்சை பலனின்றி அவர் இறந்தார். இதுகுறித்து திருக்காட்டுப்பள்ளி சிறப்பு போலீஸ் சப்-இன்ஸ்பெக்டர் பாலன் மோட்டார் சைக்கிளை ஓட்டி வந்த புதுச்சத்திரம் வீரஜோதிவேல் (44) என்பவர் மீது வழக்குப்பதிவு செய்து விசாரணை நடத்தி வருகிறார்.