விபத்தில் மூதாட்டி பலி

சிவகாசி,

வெம்பக்கோட்டை அருகே உள்ள கீழாண்மறைநாடு சமத்துவபுரத்தை சேர்ந்தவர் ஆபிரகாம் (வயது51). இவர் தனது தாய் பேச்சியம்மாள் (75) என்பவருடன் மோட்டார் சைக்கிளில் விளாம்பட்டி- சிவகாசி சாலையில் வந்து கொண்டிருந்தார். அப்போது நாரணபுரத்தை சேர்ந்த ராஜா (22) என்பவர் ஓட்டி வந்த மோட்டார்சைக்கிள் மோதியது. இதில் வாகனத்தில் இருந்து கீழே விழுந்து பேச்சியம்மாள் பலத்த காயம் அடைந்தார். உடனே அருகில் இருந்தவர்கள் அவரை மீட்டு சிவகாசி அரசு ஆஸ்பத்திரிக்கு கொண்டு சென்றனர். அங்கு அவரை பரிசோதித்த டாக்டர், மூதாட்டி பேச்சியம்மாள் ஏற்கனவே இறந்து விட்டதாக தெரிவித்தார். இந்த விபத்து குறித்து ஆபிரகாம் மாரனேரி போலீசில் புகார் கொடுத்தார். புகாரின் பேரில் விபத்துக்கு காரணமான மோட்டார் சைக்கிளை ஓட்டி வந்த ராஜா மீது போலீசார் வழக்குப்பதிவு செய்து விசாரணை நடத்தி வருகின்றனர்.