அரசு பஸ் டிரைவரை தாக்கிய முதியவர் கைது

சோளிங்கரை அடுத்த தொண்டமான் நத்தம் கிராமத்திலிருந்து ஆற்காட்டிற்கு அரசு சென்றது. இந்த பஸ்சை அம்மூரைச் சேர்ந்த பாபு (வயது 43) இவர் ஓட்டிச்சென்றார். கேசவன்குப்பம் பஸ் நிறுத்தம் அருகே தொண்டமாநத்தம் கிராமத்தைச் சேர்ந்த ராமலிங்கம் (61) என்பவர் பஸ்சுக்கு முன்னால், மோட்டார் சைக்கிளை நிறுத்திவிட்டு டிரைவர் பாபுவிடம் சென்று தகாத வார்த்தைகளால் திட்டி, கையால் அடித்து, பீர் பாட்டிலால் தாக்க முயற்சித்துள்ளார். இதை பாபு தடுத்ததால் பீர் பாட்டில் கீழே விழுந்து உடைந்தது.

பின்னர் ராமலிங்கம் பஸ்சில் ஏறி வயரை சேதப்படுத்திவிட்டு சென்றுள்ளார். இதுகுறித்து டிரைவர் பாபு, சோளிங்கர் போலீஸ் நிலையத்தில் ராமலிங்கத்தின் மீது புகார் அளித்தார். அதன்பேரில் போலீசார் வழக்குப் பதிவு செய்து ராமலிங்கத்தை கைது செய்தனர்.