ஆற்றில் முதியவர் பிணம்

மதுக்கூர்;

மதுக்கூர் அருகே உள்ள விக்ரமம் கல்யாணஓடை ஆற்றில் நேற்று மாலை பிணம் ஒன்று மிதந்து வந்தது. ஆற்றில் பிணம் மிதந்து வருவதை பார்த்த அந்த பகுதி மக்கள் மதுக்கூர் போலீசாருக்கு தகவல் தெரிவித்தனர். இதன்பேரில் சம்பவ இடத்துக்கு வந்த போலீசார் ஆற்றில் மிதந்து வந்த முதியவர் பிணத்தை கைப்பற்றி விசாரணை நடத்தினர். விசாரணையில் அவர் மதுக்கூர் படப்பைக்காடு பகுதியை சேர்ந்த நாகூரப்பா (வயது 62) என்பது தெரியவந்தது. இவர் ஆற்றில் தவறி விழுந்து இறந்தாரா? அல்லது அவர் சாவில் மா்மம் உள்ளதா? என மதுக்கூர் போலீசார் விசாரணை நடத்தி வருகிறார்கள்.