மோட்டார்சைக்கிள் மோதி முதியவர் சாவு

புதுக்கோட்டை மாவட்டம் கறம்பக்குடி தாலுகா காட்டாத்தி பூசாரித் தெருவை சேர்ந்தவர் பெரமன் (வயது 65). நேற்று முன்தினம் மாலை இவர் ஊரணிபுரம் ஆத்து பாலம் மதுக்கடை அருகே நடந்து சென்றுக் கொண்டிருந்தார். அப்போது அந்த வழியே வந்த மோட்டார் சைக்கிள் பெரமன் மீது மோதியது. இதில் படுகாயம் அடைந்து உயிருக்கு போராடிய அவரை பக்கத்தில் இருந்தவர்கள் மீட்டு பட்டுக்கோட்டை அரசு ஆஸ்பத்திரிக்கு சிகிச்சைக்காக கொண்டு சென்றனர். பின்னர் மேல் சிகிச்சைக்காக தஞ்சை அரசு மருத்துவக்கல்லூரி ஆஸ்பத்திரியில் சேர்த்தனர். அங்கு சிகிச்சை பலன் இன்றி பெரமன் பரிதாபமாக இறந்தார். இதுகுறித்து திருவோணம் போலீசார் வழக்குப்பதிவு செய்து விசாரணை நடத்தி வருகின்றனர்.