ெரயிலில் அடிபட்டு முதியவர் பலி

அருப்புக்கோட்டை,

அருப்புக்கோட்டை அருகே உள்ள எம்.தொட்டியாங்குளம் கிராமத்தை சேர்ந்தவர் திருப்பதி (வயது 80). விவசாயி. இவர் விவசாய பணி மேற்கொள்வதற்காக ெரயில்வே கேட் அருகே உள்ள தண்டவாளத்தை கடக்க முயன்றார். அப்போது அந்த வழியாக விருதுநகரில் இருந்து காரைக்குடி நோக்கி சென்று கொண்டிருந்த ரெயிலில் அடிபட்டு சம்பவ இடத்திலேயே உயிரிழந்தார். இதையடுத்து திருப்பதியின் உறவினர்கள் அவரது உடலை மயானத்திற்கு கொண்டு செல்ல முயன்றனர். அப்போது அங்கு வந்த விருதுநகர் ெரயில்வே போலீசார், திருப்பதியின் உடலை மீட்டு பிரேத பரிசோதனைக்காக அருப்புக்கோட்டை அரசு ஆஸ்பத்திரிக்கு அனுப்பி வைத்தனர். இந்த சம்பவம் குறித்து ரெயில்வே போலீசார் வழக்குப்பதிவு செய்து விசாரணை நடத்தி வருகின்றனர்.