வழுக்கி கீழே விழுந்த முதியவர் சாவு

தஞ்சை பழைய பஸ் நிலையத்தில் பஸ்சிற்காக காத்திருந்த முதியவர் ஒருவர் திடீரென கீழே விழுந்து இறந்துவிட்டதாக தஞ்சை மேற்கு போலீசாருக்கு தகவல் கிடைத்தது. அதன்பேரில் போலீசார் சம்பவ இடத்திற்கு சென்று இறந்தவர் யார்? என்று விசாரணை நடத்தினர். அதில் இறந்துகிடந்தவர் தஞ்சையை அடுத்த வல்லம் அண்ணாநகர் 7-ம் தெருவை சேர்ந்த தங்கராஜ் (வயது60) என்பதும், பஸ்சிற்காக காத்திருந்தபோது வழுக்கி விழுந்து கீழே விழுந்து இறந்துவிட்டதும் தெரியவந்தது. மேலும் அவர் காவலாளியாக பணிபுரிந்து வருவதும் தெரியவந்தது.இதையடுத்து தங்கராஜ் உடலை போலீசார் மீட்டு பிரேத பரிசோதனைக்காக தஞ்சை மருத்துவக்கல்லூரி ஆஸ்பத்திரிக்கு அனுப்பி வைத்தனர். இதுகுறித்து மேற்கு போலீசார் விசாரணை நடத்தி வருகின்றனர்.