லாரி மோதி முதியவர் பலி

சிவகாசி

சிவகாசி அருகே உள்ள எம்.துரைச்சாமிபுரத்தை சேர்ந்தவர் பாலகிருஷ்ணன் (வயது 65). இவர் அதே பகுதியில் உள்ள அம்மாபட்டி ரோட்டில் நடந்து வந்து கொண்டிருந்தார். அப்போது அந்த வழியாக டிப்பர் லாரி முதியவர் பாலகிருஷ்ணன் மீது மோதியது. இதில் பலத்த காயம் அடைந்தவரை அருகில் இருந்தவர்கள் மீட்டு 108 ஆம்புலன்ஸ் மூலம் சிவகாசி அரசு ஆஸ்பத்திரிக்கு அனுப்பி வைத்தனர். அங்கு அவர் சிகிச்சை பலன் அளிக்காமல் பரிதாபமாக இறந்தார். இந்த விபத்து குறித்து மாரனேரி போலீசார் வழக்குபதிவு செய்து அதே பகுதியை சேர்ந்த சேகர் மகன் கிரகம் (28) என்பவரிடம் விசாரணை நடத்தி வருகிறார்கள்.