மோட்டார் சைக்கிள் மோதி மூதாட்டி சாவு

பொன்னமராவதி அருகே தேனூர் ஊராட்சி மேட்டுப்பட்டியை சேர்ந்தவர் மலைச்சாமி. இவரது மனைவி கல்யாணி (வயது 60). இவர் கருவப்பூலாம்பட்டி பெரிய கண்மாய் அருகே நடந்து சென்று கொண்டிருந்தார். அப்போது அந்த வழியாக வந்த மோட்டார் சைக்கிள் கல்யாணி மீது மோதி விட்டு நிற்காமல் சென்று விட்டது. இதைப்பார்த்த அருகில் இருந்தவர்கள் படுகாயமடைந்த கல்யாணியை மீட்டு சிகிச்சைக்காக புதுக்கோட்டை அரசு மருத்துவக்கல்லூரி மருத்துவமனைக்கு அனுப்பி வைத்தனர். அங்கு சிகிச்சை பலனின்றி கல்யாணி பரிதாபமாக இறந்தார். இதுகுறித்து பொன்னமராவதி போலீசார் வழக்குப்பதிவு செய்து விசாரணை நடத்தி வருகின்றனர்.