குளத்தில் மூழ்கி மூதாட்டி பலி

மணவாளக்குறிச்சி:

மணவாளக்குறிச்சி அருகே உள்ள கருங்காலிவிளையை சேர்ந்தவர் சண்முக சுயம்பு. இவருடைய மனைவி சரசம் (வயது 75). இவர் நேற்று முன்தினம் மதியம் வழக்கம்போல் அருகில் உள்ள அனிவற்றிகுளத்தில் குளிப்பதற்கு சென்றார். வெகுநேரம் ஆகியும் அவர் வீட்டுக்கு திரும்பவில்லை. இதனால், அதிர்ச்சி அடைந்த குடும்பத்தினர் அவரை தேடி குளத்துக்கு சென்றனர். அப்போது, குளத்தில் குளித்து விட்டு வந்த ஒரு பெண் மூதாட்டி சரசம் குளத்தில் தண்ணீரில் மூழ்கியதாக தெரிவித்தார். இதைகேட்டு அதிர்ச்சி அடைந்த குடும்பத்தினர் இதுபற்றி திங்கள்நகர் தீயணைப்பு நிலையத்துக்கு தெரிவித்தனர். அதன்பேரில் சம்பவ இடத்துக்கு விரைந்து வந்த தீயணைப்பு வீரர்கள் குளத்துக்குள் மிதந்த சரசத்தின் உடலை மீட்டு கரைக்கு கொண்டு வந்தனர். குளத்தில் குளித்தபோது சரசம் தண்ணீரில் மூழ்கி இறந்தது தெரியவந்தது. பின்னர் அவரது உடலை போலீசார் கைப்பற்றி பிரேத பரிசோதனைக்காக ஆசாரிபள்ளம் அரசு ஆஸ்பத்திரிக்கு அனுப்பி வைத்தனர். ேமலும், இதுகுறித்த புகாரின் பேரில் மணவாளக்குறிச்சி போலீசார் வழக்குப்பதிவு செய்து விசாரணை நடத்தி வருகிறார்கள்.