கார் மோதி மூதாட்டி பலி

திருமங்கலம்

திருமங்கலம் சின்ன செங்குளம் கிராமத்தைச் சேர்ந்த மாயாவு மனைவி அம்மாபிள்ளை(வயது 65). இவர் நேற்று உசிலம்பட்டி-திருமங்கலம் சந்திப்பு நான்கு வழிச்சாலையை கடக்க முயன்றார். அப்போது விருதுநகரில் இருந்து திருமங்கலம் நோக்கி வந்த கார் அம்மாபிள்ளை மீது மோதி சம்பவ இடத்திலேயே உயிரிழந்தார். தகவல் அறிந்த திருமங்கலம் நகர் போலீசார் சம்பவ இடத்திற்கு விரைந்து வந்து உடலை கைப்பற்றி பிரேத பரிசோதனைக்காக திருமங்கலம் அரசு மருத்துவமனைக்கு அனுப்பி வைத்தனர். மேலும் இச்சம்பவம் குறித்து திருமங்கலம் நகர் போலீசார் வழக்குப் பதிவு செய்து விசாரணை மேற்கொண்டு வருகின்றனர்.