விடுதலை சிறுத்தைகள் கட்சி சார்பில் தெருமுனை பிரசார கூட்டம்

திருச்செந்தூர்:

திருச்செந்தூர் அருகே நா.முத்தையாபுரத்தில் உள்ள டாக்டர் அம்பேத்கர் சிலை முன்பு தூத்துக்குடி தெற்கு மாவட்ட விடுதலை சிறுத்தைகள் கட்சி சார்பில் தெருமுனை பிரசார கூட்டம் நடந்தது. கூட்டத்திற்கு, சமூக நல்லிணக்கப் பேரவை மாவட்ட அமைப்பாளர் தமிழ்பரிதி தலைமை தாங்கினார். இதில் மாவட்ட செயலாளர் முரசு தமிழப்பன், கருத்தியல் பரப்பு மாநில துணை செயலாளர் தமிழ்குட்டி ஆகியோர் கலந்து கொண்டு கோரிக்கைகள் குறித்து பேசினர்.

கூட்டத்தில், செய்தி தொடர்பு மையம் மாவட்ட அமைப்பாளர் வேம்படிமுத்து, திருச்செந்தூர் ஒன்றிய பொருளாளர் ராஜேந்திரன், உடன்குடி ஒன்றிய பொருளாளர் டேவிட் ஜான்வளவன், ஆழ்வார்திருநகரி நகர செயலாளர் மாணிக்கம், சமூக நல்லிணக்கப் பேரவை மாவட்ட துணை அமைப்பாளர் அந்தோனிராஜ், கிறிஸ்துவ சமூக நீதி பேரவை மாவட்ட துணை அமைப்பாளர் ஜெபகுமார், தொழிலாளர் விடுதலை முன்னணி மாவட்ட துணை அமைப்பாளர் செங்கோல்வேந்தன், சமூக நல்லிணக்கப் பேரவை திருச்செந்தூர் ஒன்றிய அமைப்பாளர் சிவன், டாக்டர் அம்பேத்கர் ஆட்டோ ஓட்டுனர் சங்கத் தலைவர் இசக்கிமுத்து, தொல்திருமா ஆட்டோ ஓட்டுனர் சங்க பொறுப்பாளர் வேல்குமார், சமூக நல்லிணக்கப் பேரவை திருச்செந்தூர் ஒன்றிய துணை அமைப்பாளர்கள் முருகப்பெருமாள், முருகேசன் உள்பட பலர் கலந்து கொண்டனர்.