ரெயிலில் அடிபட்டு ஒருவர் சாவு

திண்டிவனம்,

திண்டிவனம் அருகே சம்பவத்தன்று 50 வயது மதிக்கத்தக்க ஆண் ஒருவர் அங்குள்ள தண்டவாளத்தை கடக்க முயன் றாா். அந்த சமயத்தில் நாகர்கோவிலில் இருந்து சென்னை நோக்கி வந்த ரெயில் அந்த நபர் மீது மோதியது. இதில் பலத்த காயமடைந்த அந்த நபர் சம்பவ இடத்திலேயே பரிதாபமாக உயிரிழந்தார். இதுபற்றி தகவல் அறிந்ததும் செங்கல்பட்டு ரெயில்வே போலீசார் சம்பவ இடத்துக்கு விரைந்து வந்து, ரெயிலில் அடிபட்டு உயிரிழந்த நபரின் உடலை பார்வையிட்டு அக்கம் பக்கத்தினரிடம் விசாரணை நடத்தினர். விசாரணையில், அந்த நபர் பெயர் வேலுசாமி மகன் சிவாஜி(வயது 54) என்பது மட்டும் தெரியவந்தது. ஆனால் அவர் எந்த ஊரை சேர்ந்தவர் என தெரியவில்லை. இதையடுத்து போலீசார் வழக்குப்பதிவு செய்து, இறந்த நபர் எந்த ஊரை சேர்ந்தவர்? என்பது குறித்து விசாரணை நடத்தி வருகின்றனர்.