ஆன்லைன் லாட்டரி சீட்டு விற்றவர் கைது

குளித்தலை அருகே உள்ள பரளி பகுதியில் தமிழக அரசால் தடை செய்யப்பட்ட லாட்டரி சீட்டுகள் விற்கப்படுவதாக போலீசாருக்கு பல்வேறு புகார் வந்தது. அதன் பேரில் அங்கு சென்ற குளித்தலை போலீசார் அப்பகுதியில் ஆன்லைன் லாட்டரி சீட்டுகளை விற்ற குளித்தலை பெரியபாலம் பகுதியை சேர்ந்த பஞ்சநிதி (வயது 70) என்பவரை கைது செய்தனர். மேலும் அவரிடம் இருந்த ஆன்லைன் லாட்டரிகளையும் பறிமுதல் செய்தனர்.