லாரி மோதி பெயிண்டர் சாவு

மேலூர்

மேலூர் அருகே உள்ள கல்லம்பட்டியை சேர்ந்தவர் நொண்டிச்சாமி (வயது 35). பெயிண்டர். இவர் தனது மனைவி செல்வியுடன் (30) மோட்டார் சைக்கிளில் சென்றார். மேலூர்-திருச்சி நான்கு வழி சாலையில் மேலூர் அருகே சென்றபோது அவ்வழியே வந்த லாரி மோட்டார்சைக்கிள் மீது எதிர்பாராதவிதமாக மோதியது. இந்த விபத்தில் பலத்த காயம் அடைந்த நொண்டிச்சாமி சம்பவ இடத்திலேயே இறந்தார். சிறிய காயங்களுடன் செல்வி உயிர்தப்பினார். இந்த விபத்து குறித்து மேலூர் போலீஸ் இன்ஸ்பெக்டர் மன்னவன் வழக்குப்பதிவு செய்து விசாரணை நடத்தி வருகிறார்.