விபத்தில் பந்தல் அமைப்பாளர் பலி

மணப்பாறை:

வையம்பட்டியை அடுத்த கல்பட்டியை சேர்ந்தவர் மணி(வயது 55). சாமியானா பந்தல் அமைக்கும் வேலை செய்து வந்தார். இவர் நேற்று கீரனூர் ரெயில்வே பாலம் அருகே சரக்கு வேனில் பந்தல் பொருட்கள் மற்றும் சேர் உள்ளிட்டவைகளை ஏற்றிக்கொண்டு, வாகனத்தை நிறுத்தி பரிசோதித்துவிட்டு மீண்டும் புறப்பட தயாரானபோது வாகனம் தானாக நகர்ந்து மணி மீது மோதியது. இதில் படுகாயமடைந்த அவரை அக்கம் பக்கத்தினர் மீட்டு சிகிச்சைக்காக மணப்பாறை அரசு மருத்துவமனைக்கு அனுப்பி வைத்தனர். அங்கு முதலுதவி சிகிச்சைக்கு பின் மேல் சிகிச்சைக்காக திருச்சி அரசு மருத்துவமனைக்கு அனுப்பி வைக்கப்பட்ட அவர் வழியிலேயே உயிரிழந்தார். இந்த சம்பவம் தொடர்பாக வையம்பட்டி போலீசார் வழக்குப்பதிவு செய்து விசாரணை நடத்தி வருகின்றனர்.