பெரியகுளம் ஆர்.டி.ஓ. அலுவலகத்தில்விவசாயிகள் குறைதீர்க்கும் கூட்டம்

பெரியகுளம் அருகே தாமரைக்குளத்தில் உள்ள ஆர்.டி.ஓ. அலுவலகத்தில் கோட்ட அளவிலான விவசாயிகள் குறைதீர்க்கும் நாள் கூட்டம் நேற்று நடைபெற்றது. இந்த கூட்டத்திற்கு ஆர்.டி.ஓ. (பொறுப்பு) முத்துலட்சுமி தலைமை தாங்கினார். வேளாண்மை இணை இயக்குனர் (பொறுப்பு) சங்கர் முன்னிலை வகித்தார். கூட்டத்தில் ஏராளமான விவசாயிகள் கலந்து கொண்டனர். அவர்களின் குறைகள் மற்றும் சந்தேகங்களுக்கு அதிகாரிகள் விளக்கம் அளித்தனர். மேலும் ஒவ்வொரு துறையிலும் விவசாயத்திற்கு அரசு வழங்கக்கூடிய மானியங்கள் குறித்து அதிகாரிகள் பேசினர். இதில் வேளாண்மை பொறியியல் துறை உதவி செயற்பொறியாளர் ராமகிருஷ்ணன் மற்றும் மீன்வளத்துறை, விதை சான்று துறை, வனத்துறை, பொதுப்பணித்துறை, தோட்டக்கலை, கால்நடை உள்ளிட்ட பல்வேறு துறைகளை சேர்ந்த அலுவலர்கள் கலந்து கொண்டனர்.