சின்னபள்ளத்தூரில் வாக்குச்சாவடி மையத்தில் உறுதிமொழி ஏற்பு

பென்னாகரம்:

பென்னாகரம் அருகே உள்ள சின்னபள்ளத்தூர் ஊராட்சி ஒன்றிய நடுநிலைப்பள்ளி வாக்குச்சாவடி மையத்தில் தேசிய வாக்காளர் தினத்தையொட்டி உறுதிமொழி ஏற்பு நிகழ்ச்சி நடந்தது. இதற்கு பள்ளி தலைமை ஆசிரியரும், வாக்குச்சாவடி நிலைய அலுவலருமான பழனி வாக்காளர்களின் உறுதிமொழியை வாசித்தார். அதனை வாக்காளர்கள் மற்றும் பள்ளி மாணவ-மாணவிகள் பின் தொடர்ந்து வாசித்து உறுதிமொழி ஏற்று கொண்டனர். நிகழ்ச்சியில் ஊராட்சி மன்ற தலைவர் மணி, வாக்குச்சாவடி அலுவலர் அம்பிகா, ஆசிரியைகள் வளர்மதி, பழனிச்செல்வி, கல்பனா திலகவதி, ராஜேஸ்வரி மற்றும் முனுசாமி, இடும்பன், சின்னசாமி, கரூரான் உள்பட பலர் கலந்து கொண்டனர்.