நாமக்கல் மாவட்டத்தில் ஊர்க்காவல் படையில் சேர விண்ணப்பிக்கலாம் போலீஸ் சூப்பிரண்டு சாய்சரண் தேஜஸ்வி தகவல்

நாமக்கல்:

நாமக்கல் மாவட்ட போலீஸ் சூப்பிரண்டு சாய்சரண் தேஜஸ்வி வெளியிட்டுள்ள செய்திக்குறிப்பில் கூறியிருப்பதாவது:-

நாமக்கல் மாவட்ட ஊர்க்காவல் படையில் நாமக்கல்லில் 8 ஆண்கள், 3 பெண்கள் என 11 பணியிடங்களும், திருச்செங்கோட்டில் 12 ஆண்கள், ஒரு பெண் என 13 பணியிடங்களும் என மொத்தம் 24 பணியிடங்கள் நிரப்பப்பட உள்ளன. விண்ணப்பதாரர்கள் குறைந்தபட்சம் 10-ம் வகுப்பு தேர்ச்சி பெற்றிருக்க வேண்டும். 18 முதல் 45 வயதுக்குள் இருக்க வேண்டும்.

எவ்வித குற்ற பின்னணியும் இருக்க கூடாது. எந்த அமைப்பிலோ, அரசியல் கட்சி சார்ந்தவராகவோ இருத்தல் கூடாது. இதற்கான விண்ணப்பங்கள் நாமக்கல் போலீஸ் நிலைய வளாகத்தில் உள்ள ஊர்க்காவல் படை அலுவலகத்தில் வழங்கப்படுகிறது. அதை பூர்த்தி செய்து நேரிலோ அல்லது தபால் மூலமாகவோ ஊர்க்காவல் படை அலுவலகத்தில் வருகிற ஜூன் மாதம் 10-ந் தேதி மாலை 5 மணிக்குள் ஒப்படைக்க வேண்டும். இவ்வாறு அதில் கூறப்பட்டுள்ளது.