பிரதோஷத்தையொட்டி நன்செய் இடையாறு திருவேலீஸ்வரர் கோவிலில் சிறப்பு பூஜை

பரமத்திவேலூர்:

ஆடி மாத பிரதோஷத்தையொட்டி நன்செய் இடையாறு திருவேலீஸ்வரர் கோவிலில் சிறப்பு பூஜை நடந்தது. இதையொட்டி சாமி மற்றும் நந்தி பகவானுக்கு பால், தயிர், சந்தனம், பன்னீர், மஞ்சள் மற்றும் வாசனை திரவியங்களால் சிறப்பு அபிஷேகம் செய்யப்பட்டது. தொடர்ந்து அலங்காரம் செய்யப்பட்டு, மகாதீபாராதனை நடந்தது. இதில் திரளான பக்தர்கள் கலந்து கொண்டு சாமி தரிசனம் செய்தனர். இதேபோல் பிரதோஷத்தையொட்டி பாண்டமங்கலம் புதிய காசி விஸ்வநாதர், மாவுரெட்டி பீமேஷ்வரர், பில்லூர் வீரட்டீஸ்வரர், பொத்தனூர் காசி விஸ்வநாதர், பேட்டை மீனாட்சி சுந்தரேஸ்வரர், எல்லையம்மன் கோவிலில் உள்ள ஏகாம்பரேஸ்வரர், பரமத்திவேலூர் வல்லப விநாயகர் கோவிலில் உள்ள விசாலாட்சி சமேத விஸ்வேஸ்வரர் ஆகிய கோவில்களிலும் சிறப்பு பூஜை நடந்தது. இதில் அந்தந்த பகுதிகளை சேர்ந்த பக்தர்கள் கலந்து கொண்டு சாமி தரிசனம் செய்தனர்.