முத்துமாரியம்மன் கோவிலில் பூத்திருவிழா

பொன்னமராவதி:

பொன்னமராவதி அருகே ஆர்.பாலக்குறிச்சியில் உள்ள முத்துமாரியம்மன் கோவிலில் பால்குடம் மற்றும் பூத்திருவிழா நடைபெற்றது. இதை முன்னிட்டு அம்மனுக்கு சிறப்பு அபிஷேகம் செய்யப்பட்டது. பூசாரி சொக்கலிங்கம் தலைமையில் அம்மனுக்கு சிறப்பு அலங்காரம் செய்யப்பட்டது. மேலும் முக்கிய நிகழ்வாக ஆர்.பாலக்குறிச்சி மட்டுமின்றி சுற்றியுள்ள வைரம்பட்டி, வெடத்தலாம்பட்டி, ரெகுநாதபட்டி, சீகம்பட்டி, கோபால்பட்டி அகிய கிராம மக்கள் ஏராளமானோர் அம்மனுக்கு பால்குடம் மற்றும் பூத்தட்டு எடுத்து வந்து முத்துமாரியம்மனை வழிபட்டனர். விழாவில் பொன்னமராவதி, கிழவயல், கட்டுக்குடிபட்டி, கேசம்பட்டி, புழுதிபட்டி, உலகம்பட்டி, புதூர், வாராப்பூர் ஆகிய ஊர்களில் இருந்தும் பக்தர்கள் கலந்து கொண்டனர்.