அய்யர்மலை, தோகைமலை பகுதிகளில் இன்று மின் நிறுத்தம்

கரூர் மின்பகிர்மான வட்டம் குளித்தலை கோட்டத்திற்கு உட்பட்ட அய்யர்மலை, தோகைமலை, நச்சலூர், வல்லம், மாயனூர், பஞ்சப்பட்டி, பாலவிடுதி, சிந்தாமணிபட்டி, கொசூர் மற்றும் பணிக்கம்பட்டி ஆகிய 10 துணை மின்நிலையங்களில், மாதாந்திர பராமரிப்பு பணிகள் இன்று (செவ்வாய்க்கிழமை) மேற்கொள்ளப்பட உள்ளது. எனவே இந்த 10 துணை மின் நிலையங்களில் இருந்து மின் வினியோகம் பெறும் குளித்தலை நகரப் பகுதி உள்பட சுமார் 137 கிராம பகுதிகளில் இன்று மின்வினியோகம் இருக்காது என குளித்தலை மின்சாரவாரிய அதிகாரிகள் தெரிவித்துள்ளனர்.