நாகை, வேளாங்கண்ணி பகுதிகளில் இன்று மின்நிறுத்தம்

நாகை வடக்கு மின்வாரிய உதவி செயற்பொறியாளர் சித்திவிநாயகம் வெளியிட்டுள்ள செய்திக்குறிப்பில் கூறியிருப்பதாவது:-

நாகை துணை மின் நிலையத்தில் இன்று(சனிக்கிழமை) பராமரிப்பு பணிகள் நடைபெற உள்ளது. எனவே இந்த துணைமின்நிலையத்தில் இருந்து மின்வினியோகம் பெறும் நாகை, வேளாங்கண்ணி, வெளிப்பாளையம், மஞ்சக்கொல்லை, பொய்கை நல்லூர், சிக்கல், தோணித்துறை ஆகிய பகுதிகளுக்கும், வேளாங்கண்ணி துணை மின் நிலையத்திலிருந்து மின் வினியோகம் பெறும் வேளாங்கண்ணி நகரம், செருதூர், பரவை ஆகிய பகுதிகளுக்கும், நாகை அர்பன் துணை மின் நிலையத்தில் இருந்து மின் வினியோகம் பெறும் மாவட்ட கலெக்டர் அலுவலகம், மாவட்ட அரசு ஆஸ்பத்திரி, நாகூர் தர்கா ஆகிய பகுதிகளுக்கும் இன்று காலை 9 மணி முதல் மாலை 5 மணிவரை மின்வினியோகம் இருக்காது. இதேபோல் வேட்டைக்காரனிருப்பு துணை மின் நிலையத்திலிருந்து மின்வினியோகம் பெறும் திருப்பூண்டி, புதுப்பள்ளி, காமேஸ்வரம், விழுந்தமாவடி, வேட்டைக்காரனிருப்பு, கோவில்பத்து, வெள்ளப்பள்ளம், நாலுவேதபதி, தாமரைப்புலம் ஆகிய பகுதிகளுக்கு இன்று காலை 9 மணி முதல் மாலை 5 மணி வரை மின்வினியோகம் இருக்காது.

இவ்வாறு அதில் கூறப்பட்டுள்ளது.