பயிற்சி டாக்டர்கள் 2-வது நாளாக தர்ணா போராட்டம்

பாளையங்கோட்டை:

நெல்லை பாளையங்கோட்டை சித்த மருத்துவக்கல்லூரியில் 4½ ஆண்டுகள் படிப்பு முடித்த மாணவர்கள் அதன் பின்னர் ஒரு ஆண்டு பயிற்சி டாக்டர்களாக பணிபுரிகின்றனர். அவர்களுக்கு பயிற்சி காலத்தில் மாதம் தோறும் ஊக்கத்தொகை அரசால் வழங்கப்பட்டு வருகிறது. இந்த ஊக்கத்தொகை கடந்த ஆண்டு நவம்பர் மாதம் முதல் வழங்கப்படவில்லை என்று கூறி அதனை கண்டித்தும், உடனடியாக ஊக்கத்தொகையை வழங்க கோரியும், பயிற்சி டாக்டர்கள் நேற்று முன்தினம் தர்ணா போராட்டம் நடத்தினர்.

நேற்று 2-வது நாளாக போராட்டத்தில் ஈடுபட்டனர். போராட்டத்தில் சுமார் 40 பெண் பயிற்சி டாக்டர்கள் உள்பட 60-க்கும் மேற்பட்டவர்கள் கலந்து கொண்டனர். அவர்கள் கருப்பு பேட்ஜ் அணிந்து இருந்தனர்.