சீர்காழி பகுதி கோவில்களில் பிரதோஷ வழிபாடு

சீர்காழி அருகே திருப்புன்கூர் சிவலோகநாதசாமி கோவிலில் நேற்று பிரதோஷ வழிபாடு நடந்தது. இதனையொட்டி நந்தி பகவானுக்கு அபிஷேகம் செய்யப்பட்டு தீபாராதனை காட்டப்பட்டது. இதில் கோவில் நிர்வாக அதிகாரி முருகன் மற்றும் திரளான பக்தர்கள் கலந்து கொண்டு சாமி தரிசனம் செய்தனர். இதேபோல் திருவெண்காடு சுவேதாரண்யேஸ்வரர் கோவிலில் பிரதோஷத்தையொட்டி சாமி மற்றும் நந்தி பகவானுக்கு பல்வேறு பொருட்களால் அபிஷேகம் செய்யப்பட்டு தீபாராதனை காட்டப்பட்டது. தொடர்ந்து பிரதோஷ நாயகர் வீதி உலா நடந்தது. திருமுல்லைவாசல் முல்லைவனநாதசாமி கோவில், அன்னப்பன்பேட்டை கலி காமேஸ்வரர் கோவில், பல்லவனும் பல்லவன்நாதர் கோவில் உள்ளிட்ட பல்வேறு கோவில்களில் பிரதோஷ வழிபாடு நடந்தது.