கடலூரில்தனியார் பள்ளி ஊழியர் தூக்குப்போட்டு தற்கொலை

கடலூர் மஞ்சக்குப்பம் ராமசாமி நகரை சேர்ந்தவர் சூசைநாதன் மகன் மரியஜோசப் (வயது 28). இவர் மஞ்சக்குப்பத்தில் உள்ள தனியார் பள்ளியில் ஊழியராக வேலை பார்த்து வந்தார். இந்த நிலையில் நேற்று அதிகாலை மரியஜோசப், தனது வீட்டில் தூக்குப்போட்டு தற்கொலை செய்து கொண்டார். இதை பார்த்து அதிர்ச்சி அடைந்த அவரது குடும்பத்தினர், புதுநகர் போலீஸ் நிலையத்திற்கு தகவல் தெரிவித்தனர். அதன் பேரில் புதுநகர் போலீசார் விரைந்து வந்து, மரியஜோசப் உடலை கைப்பற்றி பிரேத பரிசோதனைக்காக கடலூர் அரசு மருத்துவமனைக்கு அனுப்பி வைத்தனர். தொடர்ந்து இதுகுறித்த புகாரின் பேரில் புதுநகர் போலீசார் வழக்குப்பதிவு செய்து, மரியஜோசப் தற்கொலை செய்து கொண்டதற்கான காரணம் குறித்து விசாரணை நடத்தி வருகின்றனர்.