பேச்சு போட்டியில் வெற்றி பெற்ற மாணவ- மாணவிகளுக்கு பரிசு

திருப்பத்தூர், ஜூன்.15-

தமிழ் வளர்ச்சித் துறையின் சார்பில் அம்பேத்கர் பிறந்தநாளை முன்னிட்டு மாவட்ட அளவில் பள்ளி, கல்லூரி மாணவர்களுக்கு நடத்தப்பட்ட பேச்சுப்போட்டியில் வெற்றி பெற்ற பள்ளி மாணவர்கள் 5 பேர், கல்லூரி மாணவர்கள் 3 பேர் மற்றும் கருணாநிதி பிறந்தநாளன்று கல்லூரி மாணவர்களுக்கு நடத்தப்பட்ட பேச்சுப்போட்டியில் வெற்றி பெற்ற மாணவர்கள் 3 பேருக்கு பரிசுத் தொகை, பாராட்டுச் சான்றிதழ் வழங்கும் நிகழ்ச்சி திருப்பத்தூர் கலெக்டர் அலுவலகத்தில் நடந்தது.

மாவட்ட கலெக்டர் அமர்குஷ்வாஹா தலைமை தாங்கி பரிசு வழங்கினார். நிகழ்ச்சியில் தமிழ் வளர்ச்சித்துறை உதவி இயக்குநர் பொ.பாரதி மற்றும் துறை சார்ந்த அலுவலர்கள் உடன் இருந்தனர்.