கபடி போட்டியில் வெற்றி பெற்ற அணிகளுக்கு பரிசு

புதுக்கோட்டை மாவட்டம், காரையூர் அருகே வையாபுரி நவகுடியில் 12-ம் ஆண்டு சிறுவர்களுக்கான கபடி போட்டி நடைபெற்றது. இதில் திருச்சி, சிவகங்கை, மதுரை, தஞ்சாவூர், புதுக்கோட்டை மற்றும் சுற்றுவட்டார பகுதிகளில் இருந்து 42 அணிகள் கலந்து கொண்டு விளையாடின. போட்டிகள் பல்வேறு சுற்றுகளாக நடத்தப்பட்டது. இதில் முதல் பரிசை வி.எஸ்.ஸ்போர்ட் அணியினரும், இரண்டாம் பரிசை அம்மிச்சினிப்பட்டி அணியினரும், மூன்றாம் பரிசை கண்டெடுத்தான்பட்டி அணியினரும், நான்காம் பரிசை திருவையாறு அணியினரும் பெற்றனர். பின்னர் போட்டியில் வெற்றி பெற்ற அணிகளுக்கு ரொக்கப்பரிசுகள் மற்றும் சிறந்த வீரர்களுக்கு பரிசுகள் வழங்கப்பட்டது. இந்த போட்டியை அரசமலை, காரையூர் சுற்று வட்டார கிராமங்களை சேர்ந்த திரளான பொதுமக்கள் கண்டு களித்தனர்.