பஜனையில் பங்கேற்றவர்களுக்கு பரிசளிப்பு

சாத்தான்குளம்:

சாத்தான்குளம் இந்து நாடார் உறவின் முறைக்கு பாத்தியப்பட்ட புளியடி தேவி மாரியம்மன் கோவிலில் மார்கழி மாதம் தொடங்கியது முதல் பஜனை குழுவினர் பஜனை, மற்றும் திருப்பாவை, திருவெம்பாவை பாடும் நிகழ்ச்சி நடந்து வந்தது. இதில் சிறுவர், பெரியோர்கள், மகளிர் திரளாக பங்கேற்று பாடி வந்தனர். இந்நிலையில் மார்கழி மாத நிறைவையொட்டி பஜனை மற்றும் திருப்பாவை திருவெம்பாவை பாடும் நிகழ்ச்சியில் பங்கு பெற்ற பக்தர்களை பாராட்டி பரிசுகள் வழங்கும் நிகழ்ச்சி நடைபெற்றது. இந்நிகழ்ச்சிக்கு தொழிலதிபர் தினகரன் தலைமை தாங்கினார். தொழிலதிபர் மனோகரன் முன்னிலை வகித்தார். இதில் பஜனையில் பங்கேற்றவர்களுக்கு தொழிலதிபர் காசிலிங்கம் பரிசுகள் வழங்கினார். இதில் தொழிலதிபர்கள் தனபால், விஜயகுமார், சத்யராஜ் உட்பட பலர் கலந்து கொண்டனர்.