தூத்துக்குடி போலீஸ் சூப்பிரண்டு அலுவலகத்தில்பொதுமக்கள் குறைதீர்க்கும் நாள் கூட்டம்

தூத்துக்குடி மாவட்ட போலீஸ் சூப்பிரண்டு அலுவலகத்தில் பொதுமக்கள் குறைதீர்க்கும் மனு கூட்டம் வாரந்தோறும் ஒவ்வொரு புதன்கிழமைகளிலும் நடந்து வருகிறது. அதன்படி நேற்று குறைதீர்க்கும் கூட்டம் போலீஸ் சூப்பிரண்டு அலுவலகத்தில் நடந்தது. கூட்டத்துக்கு தூத்துக்குடி மாவட்ட போலீஸ் சூப்பிரண்டு பாலாஜி சரவணன் தலைமை தாங்கி பொதுமக்களிடம் இருந்து மனுக்களை வாங்கினார். நேற்று 104 பேர் பல்வேறு புகார்களை தெரிவித்து மனுக்களை கொடுத்தனர். அதனை பெற்றுக் கொண்ட போலீஸ் சூப்பிரண்டு சம்பந்தப்பட்ட போலீஸ் அதிகாரிகளை அழைத்து உரிய விசாரணை நடத்தி நடவடிக்கை எடுக்குமாறு உத்தரவிட்டார்.