சவேரியார் பேராலயத்தில் புதுநன்மை விழா

பாளையங்கோட்டை:

பாளையங்கோட்டை தெற்கு பஜார் சவேரியார் பேராலயத்தில் பெருவிழா கடந்த 24-ந்தேதி கொடியேற்றத்துடன் தொடங்கியது. நேற்று முன்தினம் இரவு புனிதரின் சப்பர பவனி நடைபெற்றது. இதைத்தொடர்ந்து நேற்று காலை பெருவிழா திருப்பலி மற்றும் புதுநன்மை விழா நடைபெற்றது. இதில் 70-க்கும் மேற்பட்ட சிறாருக்கு பாளையங்கோட்டை கத்தோலிக்க மறைமாவட்ட பிஷப் அந்தோணி சாமி, புதுநன்மை அளித்து ஆசிர்வதித்தார். நிகழ்ச்சியில் பங்குதந்தையர், இறைமக்கள் ஏராளமானோர் கலந்து கொண்டனர். மாலையில் கொடியிறக்கம் நடந்தது.