தீண்டாமையைப் போலவே மத வெறுப்பும் மோசமானது: டிடிவி தினகரன் டுவிட்

சென்னை,

தீண்டாமையைப் போலவே மத வெறுப்பும் மோசமானது என்று அம்மா மக்கள் முன்னேற்ற கழகத்தின் பொதுச்செயலாளர் டிடிவி தினகரன் தெரிவித்துள்ளார். இது தொடர்பாக டிடிவி தினகரன் தனது டுவிட்டரில் வெளியிட்டுள்ள பதிவில் கூறியிருப்பதாவது;

தீண்டாமையைப் போலவே மத வெறுப்பும் மோசமானது. சென்னையில், தலையில் தொப்பி அணிந்த இஸ்லாமிய சிறுவனைக் கேலி செய்யும் விதமாக நிகழ்ந்த செயலை ஏற்க முடியாது. நல்லிணக்கத்தை குலைக்கும் இத்தகையை செயல்களை ஆரம்பத்திலேயே கிள்ளி எறிய வேண்டும்" என்று தெரிவித்துள்ளார்.

அதேபோல், தென்காசி அருகே நடைபெற்ற தீண்டாமை சம்பவத்தை கண்டித்து வெளியிட்ட மற்றொரு டுவிட் பதிவில் டிடிவி தினகரன் கூறியிருப்பதாவது:நவீன யுகத்திலும் தீண்டாமை என்பது எந்த வகையிலும் ஏற்றுக்கொள்ள முடியாதது. அதிலும் மாணவச் செல்வங்களின் மனதில் நஞ்சை விதைக்கும் வகையிலான செயல்பாடுகள் கண்டனத்திற்குரியவை. தென்காசி பகுதியில் மட்டுமல்ல, தமிழகத்தில் எந்த இடத்திலும் இனி இத்தகைய சம்பவங்கள் நிகழக்கூடாது" என தெரிவித்துள்ளார்.