விளாத்திகுளம் அருகே கிணற்றில் விழுந்த ஆட்டுக்குட்டி மீட்பு

எட்டயபுரம்:

விளாத்திகுளம் அருகே உள்ள வில்வமரத்துப்பட்டி கிராமத்தை சேர்ந்தவர் ரவிசங்கர். இவர் ஆடுகள் வளர்த்து வருகிறார். இவரது ஆட்டுக்குட்டி ஒன்று கிராமம் அருகிலுள்ள சுமாா் 30 அடி கிணற்றில் தவறி விழுந்து உயிருக்கு போராடிக் கொண்டிருந்தது. இதுகுறித்து தகவல் அறிந்த விளாத்திகுளம் தீயணைப்பு நிலைய அலுவலர் ராஜேந்திரன் தலைமையிலான வீரர்கள் சம்பவ இடத்திற்கு வந்து கிணற்றில் இறங்கி ஆட்டுக்குட்டியை உயிருடன் மீட்டனர்.