வருவாய்த்துறை அலுவலர்கள் ஆர்ப்பாட்டம்

இளநிலை வருவாய் ஆய்வாளர் மற்றும் முதுநிலை வருவாய் ஆய்வாளர் பெயர் மாற்ற அரசாணையை வெளியிட வேண்டும், அரசுடன் நடைபெற்ற பேச்சுவார்த்தையில் ஏற்கப்பட்ட அனைத்து கோரிக்கைகளின் மீது உரிய ஆணைகள் வழங்க வேண்டும் என்பது உள்ளிட்ட பல்வேறு கோரிக்கைகளை வலியுறுத்தி தமிழ்நாடு வருவாய்த்துறை அலுவலர் சங்கம் சார்பில் மதுரை கலெக்டர் அலுவலகத்தில் பணிபுரியும் அலுவலர்கள் ஒரு மணி நேரம் பணியை புறக்கணித்து வெளிநடப்பு செய்து ஆர்ப்பாட்டத்தில் ஈடுபட்டனர். அப்போது தமிழக அரசை கண்டித்தும், கோரிக்கைகளை வலியுறுத்தியும் கோஷங்களை எழுப்பினா். இதில் வருவாய்த்துறை அலுவலர்கள், சங்க மாநில தலைவர் முருகையன் உள்பட பலர் கலந்து கொண்டனர்.