100 நாள் வேலை வழங்கக்கோரி சாலை மறியல்

போளூர்

போளூர் அருகே உள்ள அத்திமூர் களியம் காலனியைச் சேர்ந்த 60-க்கும் மேற்பட்டோர் இன்று காலை 9 மணி அளவில் போளூரில் இருந்து ஜவ்வாதுமலை செல்லும் சாலையில் அத்திமூர் களியம் பாலம் அருகே திடீரென சாலை மறியலில் ஈடுபட்டனர்.

100 நாள் வேலைகளை சரிவரை எங்களுக்கு கொடுப்பதில்லை என்றும் எங்களை புறக்கணிக்கிறார்கள் என்றும், 100 நாள் வேலை வழங்கக்கோரி அவர்கள் சாலை மறியலில் ஈடுபட்டனர்.

உடனடியாக போளூர் துணை போலீஸ் சூப்பிரண்டு குமார் மற்றும் போலீசார் வந்து பேச்சுவார்த்தை நடத்தினர்.

இதையடுத்து சாலை மறியலை அவர்கள் கைவிட்டு கலைந்து சென்றனர்.