டிராக்டரில் மணல் கடத்தியவர் கைது

வாங்கல் போலீஸ் சப்-இன்ஸ்பெக்டர் மனோகரன் தலைமையிலான போலீசார் செம்படை பகுதியில் ரோந்து பணியில் ஈடுபட்டிருந்தனர். அப்போது அந்த வழியாக வந்த ஒரு டிராக்டரை நிறுத்தி சோதனை செய்தனர். அப்போது அதில் மணல் கடத்தி வந்தது தெரியவந்தது. இதையடுத்து மணல் கடத்தியதாக அதே பகுதியை சேர்ந்த குமார் (வயது 40) என்பவர் மீது வழக்குப்பதிந்து, அவரை போலீசார் கைது செய்தனர். மேலும் தப்பியோடி பெரியசாமி என்பவரை தேடி வருகின்றனர்.