ராஜ விநாயகர் கோவிலில் சங்கடகர சதுர்த்தி

திருமக்கோட்டை தெற்கு தெருவில் உள்ள ராஜ விநாயகர் கோவிலில் சங்கடகர சதுர்த்தி வழிபாடு நடந்தது. இதை முன்னிட்டு ராஜ விநாயகருக்கு அபிஷேக, ஆராதனைகள் நடந்தன. இதில் விநாயகருக்கு மோதகம் படைக்கப்பட்டது. இதே போல் மேற்கு நோக்கி அமர்ந்திருக்கும் ஞான சித்தி விநாயகர் கோவிலில் சங்கடகர சதுர்த்தி வழிபாடு நடந்தது. ஞானபுரீஸ்வரர் ஆலயத்தில் உள்ள 16 விநாயகருக்கும் சிறப்பு அபிஷேக, ஆராதனைகள் நடந்தன. இதில் திரளான பக்தர்கள் கலந்து கொண்டு சாமி தரிசனம் செய்தனர்.