சத்தியமங்கலம் மார்க்கெட்டில்முல்லை பூ கிலோ ரூ.880-க்கு ஏலம்

சத்தியமங்கலத்தில் கரட்டூர் ரோட்டில் பூ மார்க்கெட் செயல்பட்டு வருகிறது. இந்த மார்க்கெட்டில் தினமும் காலை 7 மணி முதல் மாலை 4 மணி வரை பூக்கள் ஏலம் நடைபெறும். நேற்றும் வழக்கம்போல் பூக்கள் ஏலம் நடைபெற்றது. இந்த ஏலத்துக்கு சத்தியமங்கலம் மற்றும் அதன் சுற்றுவட்டார பகுதிகளில் இருந்து ஏராளமான விவசாயிகள் 1½ டன் பூக்களை விற்பனைக்காக கொண்டு வந்திருந்தனர்.

நேற்றைய ஏலத்தில் மல்லிகைப்பூ கிலோ ஒன்று ரூ.542-க்கும், முல்லை பூ ரூ.880-க்கும், காக்கடா ரூ.400-க்கும், செண்டுமல்லி ரூ.52-க்கும், பட்டுப்பூ ரூ.51-க்கும், கனகாம்பரம் ரூ.320-க்கும், சம்பங்கி ரூ.100-க்கும், துளசி ரூ.40-க்கும், செவ்வந்தி ரூ.140-க்கும் ஏலம் போனது.