சிறுபான்மையின மாணவர்களுக்கு கல்வி உதவித்தொகை; இணையதளம் மூலம் விண்ணப்பிக்கலாம்

தமிழகத்தில் அரசு, அரசு உதவி பெறும் மற்றும் தனியார் பள்ளி, கல்லூரிகளில் பயிலும் சிறுபான்மையின மாணவ-மாணவிகளுக்கு கல்வி உதவித்தொகை வழங்கப்படுகிறது. இதற்கு மத்திய அரசின் www.scholarships.gov.in எனும் இணையதளத்தில் விண்ணப்பிக்க வேண்டும். அதன்படி 1-ம் வகுப்பு முதல் 10-ம் வகுப்பு வரை பயிலும் மாணவ-மாணவிகள் அடுத்த மாதம் (செப்டம்பர்) 30-ந்தேதி வரை விண்ணப்பிக்கலாம்.

அதேபோல் 11-ம் வகுப்பு முதல் ஐ.டி.ஐ., ஐ.டி.சி., வாழ்க்கை தொழிற்கல்வி, பாலிடெக்னிக், செவிலியர், பட்டயப்படிப்பு, இளங்கலை, முதுகலை பட்டப்படிப்புகள் உள்பட ஆராய்ச்சி படிப்புகள் பயிலும் மாணவ-மாணவிகள் வருகிற அக்டோபர் 31-ந்தேதி வரையும் விண்ணப்பிக்கலாம். எனவே திண்டுக்கல் மாவட்டத்தை சேர்ந்த மாணவ-மாணவிகள் கல்வி உதவித்தொகைக்கு விண்ணப்பிக்கலாம்.

மேலும் இதுதொடர்பான கூடுதல் விவரங்களுக்கு திண்டுக்கல் கலெக்டர் அலுவலகத்தில் உள்ள மாவட்ட பிற்படுத்தப்பட்டோர் மற்றும் சிறுபான்மையினர் நல அலுவலகத்தை தொடர்பு கொள்ளலாம் என்று கலெக்டர் விசாகன் தெரிவித்துள்ளார்.