பள்ளி மேலாண்மைக்குழு கூட்டம்

தேனி அருகே வாழையாத்துப்பட்டி அரசு கள்ளர் தொடக்கப்பள்ளியில் பள்ளி மேலாண்மைக்குழு கூட்டம் நேற்று நடந்தது. இதற்கு பள்ளி தலைமை ஆசிரியை வசந்தவள்ளி தலைமை தாங்கினார். கூட்டத்தில், சிறுசேமிப்பு பழக்கத்தை ஊக்குவிக்கும் வகையில், சேமிப்பு பழக்கத்தில் ஆர்வமுடன் அதிக தொகையை சிறுசேமிப்பில் செலுத்திய மாணவிகள் காவியா, ஜெயஸ்ரீ ஆகியோருக்கு ஆசிரியர் கருப்பசாமி பரிசு வழங்கி பாராட்டினார். கூட்டத்தில் ஆசிரியர்கள் கவுரி, பாரதி, பள்ளி மேலாண்மைக்குழு தலைவி சத்யா மற்றும் குழு உறுப்பினர்கள், இல்லம் தேடி கல்வித்திட்ட தன்னார்வலர்கள் கலந்துகொண்டனர்.