பெட்ரோல் ஊற்றி ஸ்கூட்டர் எரிப்பு

புதுக்கோட்டை மாவட்டம், ஆலங்குடி அருகே அரையப்பட்டியை சேர்ந்தவர் ராஜேந்திரன். இவர்களது மகன்கள் கண்ணன் (வயது 40). குமார். அண்ணன்-தம்பியான இவர்கள் இருவருக்கும் அருகருகே வீடு உள்ளது. இவர்கள் சென்றுவர பாதை பிரச்சினை கடந்த 5 ஆண்டுகளாக இருந்து வந்ததாக கூறப்படுகிறது. கண்ணன் வீட்டின் முன்பு அவரது நண்பரான அனிதா என்பவரது ஸ்கூட்டர் நிறுத்தி வைக்கப்பட்டிருந்தது. இந்தநிலையில் பாதை பிரச்சினை காரணமாக கண்ணன் வீட்டின் முன்பு நிறுத்தி இருந்த ஸ்கூட்டரை குமார் பெட்ரோல் ஊற்றி தீ வைத்து எரித்துள்ளார். இதில் குமாருக்கு காயம் ஏற்பட்டுள்ளது. இதுகுறித்து கண்ணன் ஆலங்குடி போலீஸ் நிலையத்தில் புகார் கொடுத்தார். அதன்பேரில், போலீசார் வழக்குப்பதிவு செய்து விசாரணை நடத்தி வருகின்றனர்.