நிலத்தகராறில் சிறுவனுக்கு கத்திக்குத்து; உறவினர்கள் 2 பேர் கைது

ஊத்தங்கரை:

சிங்காரப்பேட்டை அருகே உள்ள நாயக்கனூரை சேர்ந்தவர் ஆகாஷ் (வயது 16) இவருக்கும், அவருடைய உறவினர்களுக்கும் இடையே நிலம் தொடர்பாக தகராறு ஏற்பட்டது. அப்போது வெங்கடேசன் (41), மாரியப்பன் (50), தினேஷ் கார்த்திக், ராமச்சந்திரன் ஆகியோர் ஆகாசை தகாத வார்த்தையால் திட்டி, கத்தியால் குத்தி உள்ளனர். இதில் படுகாயமடைந்த ஆகாஷ் ஊத்தங்கரை அரசு மருத்துவமனையில் அனுமதிக்கப்பட்டு சிகிச்சை பெற்று வருகிறான். இதுகுறித்த புகாரின் பேரில், சிங்காரப்பேட்டை போலீஸ் சப்-இன்ஸ்பெக்டர் பழனிசாமி வழக்குப்பதிவு செய்து வெங்கடேசன், மாரியப்பன் ஆகிய 2 பேரையும் கைது செய்தார்.