கடமலைக்குண்டு அருகே வியாபாரி தூக்குப்போட்டு தற்கொலை

கடமலைக்குண்டு அருகே உள்ள குமணன்தொழுவை சேர்ந்தவர் ராஜா (வயது 56). இவர் அப்பகுதியில் இறைச்சி கடை வைத்திருந்தார். இந்தநிலையில் ராஜாவுக்கு கடந்த சில மாதங்களாக நெஞ்சுவலி இருந்து வந்தது. இதற்காக அவர் பல்வேறு மருத்துவமனைகளில் சிகிச்சை பெற்றார்.

ஆனால் நெஞ்சுவலி குணமாகவில்லை. இதனால் மனமுடைந்த நிலையில் காணப்பட்ட ராஜா நேற்று அவருடைய கடையில் தூக்குப்போட்டு தற்கொலை செய்து கொண்டார். இதுகுறித்து மயிலாடும்பாறை போலீசார் வழக்குப்பதிவு செய்து விசாரணை நடத்தி வருகின்றனர்.